Молитва при недостатке материнского молока

21 апреля 2019 - Администратор
article105.jpg

 Если у вас мало или совсем нет молока , тогда вам поможет эта молитва. К Пресвятой Богородице пред иконою Ее "Млекопитательница"

 Молитва при недостатке материнского молока. К Пресвятой Богородице пред иконою Ее "Млекопитательница"

Тропарь, гл. 3-й

Без семени от Божественного Духа, волею же Отчею зачала еси Сына Божия, от Отца без матери прежде век суща, нас же ради из Тебя без отца бывша плотию родила еси и Младенца млеком питала еси, темже не престай молити избавитися от бед душам нашим.

Кондак, глас 5-й

Душ наших чувствия очистивше, узрим на иконе таинство преславное, Творца вселенныя и Господа вышних сил, в объятиих держима и от сосцу Твоею яко Младенца питаема, и, со страхом и радостию поклоняющеся Тебе и рождшемуся от Тебе Спасу нашему, воззовем: радуйся, Владычище, жизни нашея Питательнице.

Молитва

Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе, на руку носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов дочерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их от тяжкаго недуга и горькия скорби избави.

Даруй им здравие и благомощие, да и питаемии от силы в силу возрастати будут, и питающия их исполнятся радостью и утешением, яко да и ныне предстательством Твоим из уст младенец и ссущих Господь совершит хвалу Свою.

О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли и не презри слез и воздыханий рабов Твоих. Услыши нас в день скорби, пред иконою Твоею припадающих, и в день радости и избавления прими благодарная хваления сердец наших.

Вазнеси Мольбы наша ко Пристолу Сыны Твоего и Бога нашего, да милостив будет ко грехом и немощем нашим и прибавит милость Свою ведущим имя Его, яко да и мы, и чада наша прославим Тя, Милосердую Заступницу и верную надежду рода нашего, во веки веков. АМИНЬ

 

 

Похожие статьи:

Старец СампсонМолитва перед выходом из дома

Теги: молитва
Рейтинг: 0 Голосов: 0 36 просмотров
Комментарии (0)

Нет комментариев. Ваш будет первым!

Добавить комментарий